Uputstva za laku noć poslije napornog dana: Kako se osloboditi “trčećih misli” koje nam ne daju zaspati?
I, evo ih opet… Ležite u svom krevetu širom otvorenih očiju i misli počnu da vam “trče kroz glavu”. Ne pomaže ni udoban krevet, ni šolja toplog mlijeka, ni brojanje ovaca.
Bright side predlaže nekoliko korisnih savjeta kako da uveče umirite misli i dozvolite sebi da zaspite.
1) Fokusirajte se na sadašnji trenutak
Misli koje nam ne daju da zaspimo najčešće su vezane za prošlost ili budućnost. Brinemo šta bi moglo da krene po zlu ili žalimo što smo nešto uradili ili propustili da uradimo u prošlosti. Ako vam se ovo dešava, pokušajte da se fokusirate na trenutak u kojem se nalazite, sada i ovdje. Sjetite se da ne možete promijeniti prošlost niti predvidjeti šta će se dešavati u budućnosti. Takve misli jednostavno blokiraju svijest i ne daju nam da zaspimo. Ali zato sadašnji momenat možemo da kontrolišemo i da ga korisno koristimo. Takav fokus će nam pomoći da se opustimo i lakše utonemo u san.
2) Odredite vrijeme za brige
Baš kao što određujemo vrijeme kad ćemo ići u trgovinu, sastati se s prijateljima ili pospremiti sobu, možete „rezervisati“ 15 do 30 minuta dnevno da razmislite o brigama koje vas tište. Posvećivanjem konkretnog vremena brigama, manje su šanse da će se one pojaviti uveče, u momentu kada treba da spavamo. U tom rezervisanom vremenu zapišite u bilješku sve stresne misli, ono što vas zabrinjava i pokušajte da nađete konkretno rješenje za svaku od njih. Budite uporni i pokušajte da ova navika postane dio vaše dnevne rutine.
3) Ne forsirajte sebe da zaspite
Umjesto da na silu zaspite (što je nemoguće), ustanite iz kreveta i uradite nešto. Popijte čaj, pročitajte nekoliko stranica knjige ili napišite dnevnik (šta ste sve toga dana uradili). Pođite u krevet onda kada osjetite da ste pospani. Ostanak u krevetu i pokušaj spavanja na silu vaš će mozak povezati sa nesanicom i brigama i pretvoriti sobu u mjesto na kojem je teško spavati.
4) Probajte vježbe disanja
„Trčajuće misli“ uglavnom su vezane za stres a to podiže krvni pritisak i puls. Usporeno i duboko disanje pomoći će vam da se opustite i smirite misli. Savjete za vježbe disanja lako se pronalaze na internetu, samo pažljivo pratite uputstva.
5) Probajte s opuštanjem mišića
Lezite na krevet, opustite se i dozvolite mišićima, posebno nogu i ruku, da se odmore od svakodnevnih aktivnosti. Zatvorite oči i vizuelizujte kako vam se mišići opuštaju, počevši od stopala pa redom, sve do glave. Ovakve vježbe će pomoći da se tijelo opusti a vaš um će koncentracijom na mišiće i relaksaciju biti zauzet, pa toksične misli neće imati prostora.
6) Bavite se hobijem
Uvedite opuštajuće navike ili relaksirajuće aktivnosti u svoj život koje vam najviše odgovaraju, poput čitanja, crtanja/bojanja, slušanje omiljene muzike ili kuvanja. To će vam zaokupirati misli i pomoći da uveče legnete relaksirani i zadovoljni. Takvi ćete lako i brzo zaspati a samim tim obezbijediti sebi kvalitetan san. Zato, odbacite mobilni telefon, svjetlo njegovog ekrana vas duže drži budnim.
7) Upalite TV
Ako ništa ne pomaže, vaša omiljena TV emisija može da „upali“. Svjetlo s TV ekrana je mnogo manje „uznemirujuće“ u odnosu na telefon jer ne uznemirava vaše “hormone za spavanje”. Ponekad pomaže i slušanje TV-a sa zatvorenim očima.
8) Oslobodite mirise lavande
Aroma terapija je ponekad jako korisna za oslobađanje od stresa, posebno uljem od lavande. Možete usuti par kapi lavandine esencije na svijeću ili pustiti ih na posteljinu, da se njen miris raširi po krevetu. Samo prvo provjerite da li ste alergični na ove materije.