Prosječna plata u julu skoro 800 eura

Prosječna neto zarada u julu 2023. godine u Crnoj Gori iznosila je 797 eura, odnosno 993 eura bruto, objavio je Monstat.

Prosječna neto zarada u julu u odnosu na mjesec ranije zabilježila je rast od 0,3%, dok je u odnosu na isti mjesec prethodne godine zabilježila rast od 11,6%.

“Ako se ima u vidu da su potrošačke cijene u julu 2023. godine u odnosu na jun 2023. zabilježile rast od 1% proizilazi da su realne zarade za isti period zabilježile pad od 0,7%”, preciziraju iz Monstata.

Prosječna bruto zarada u drugom kvartalu 2023. godine u odnosu na prvi kvartal 2023. godine zabilježila je rast od 3,1%.