Ryanair ponovo razljutio putnike: Nove cijene za ručni prtljag od novembra
Irska niskobudžetna aviokompanija Ryanair već neko vrijeme ljuti svoje korisnike odredbama o prtljagu.
Prvo su za svaku veću torbu koju žele unijeti u kabinu morali platiti 5 funti (oko 5,5 eura) pa su svi ostavljali velike kofere na traci i ponovo su izazivali kašnjenja zbog čega se i krenulo u izmjene.
Sada su najavili da od novembra u kabine njihovih aviona više neće smjeti koferi na točkićima težine do 10 kilograma, osim ako ne plate naknadu od 8 funti (skoro 9 eura).
Kako piše Guardian, Ryanair ovime ponovo nastoji smanjiti kašnjenja pri polijetanju, prenosi Jutarnji list. No, javili su se putnici koji se već bukirali letove u novembru, a sada su se našli pred gotovim činom, odnosno moraju platiti namete za koje nijesu znali prilikom kupovanja karte.
Iz aviokompanije su im ponudili da otkažu let i dobiju povrat novca ili uplate “priority boarding” za šest funti i tako dobiju mogućnost unošenja malog kofera u kabinu. Još bi putnici nekako i pristali na to da im Ryanair nije pokušao naplatiti izmjenu bukiranja karte, u dodatnom iznosu od 8 do 10 funti (od 9 do nešto više od 11 eura).
Putnici su pobjesnili i doveli u pitanje legalnost ovakve odluke pa je niskobudžetna kompanija na kraju popustila pod pritiskom i omogućila svima koji su kupili karte prije 31. avgusta za putovanje nakon 1. novembra da unesu manji kofer u kabinu bez plaćanja naknade.
Oni koji su već platiti, njih oko 50.000, “priority boarding” dobiće povrat novca.
“Kao i uvijek pokušavamo da smanjimo cijenu leta, a tome će i pomoći nova odredba o prtljagu kojom ćemo ukloniti sve trake za besplatni prtljag i time stati na kraj kašnjenjima”, rekao je Keni Džejkobs, direktor marketinga Ryanaira.
Ryanair leti i iz Podgorice, i to za Berlin, Štokholm, Brisel, London i Vroclav.
